Kirschenplotzer – Leid, sonscht schwätzet mir dahanne ja indernational. Also so, dass die Neigschmäckte au verstandet was mr vo denne wellet. Aber heit müsse mer amol unsere siddeitsche Heimad a weng zur Geldung brägne, gell. Denn heit hämmer was ganz was Feines gesse – en „Kirscheplotzer“ oder „Kirschemichel“ wia mr au sächt. Des isch, un des ko mr ganz offe sage, a siddeitsche Spä(t)zialität. Im Grund gnomme sins alde Wegge, die wo halt mit dem Budder, dr Milch, eim Oi oder oim Ei und ra Gosch voll Zugger zammedo werdet. Und des isch dann am Schluss wiedr dr Deig für dene Plotzer. Haja und der Plotzer, der hoißt halt Plotzer, weil mr do die Kirsche, wo da nei kommet so neiplotze lässt. Wie sächt mr des jetzt? Die Kirsche haglet da halt so nei. So wie mr halt die Trepp nuff hagelt. Plotze halt. Jesses noi. Deshalb hoißt des Ding halt au „Kirscheplotzer“. Und schmegge dud der wie er hoißt – ganz hervorragend. So dass oim des Wasser in dr Gosch zammeläuft.
Und wer jetzt nichts verstanden hat, kann gerne das Rezept eruieren und dann selbst probieren.
